話說因為應該是拍搵食片，不過由於身體抱恙，就唔出片啦～出遊記啦
上年觀音借庫～借完覺得幾好～所以今年繼續～點知中伏啦！由於今年太晏先出門口（上年8點去，今年11點去），攪到玩左成個鐘先拜到神！拜完緊係要醫肚啦。去左係紅磡好似幾出名嘅"天王拉麵"到試下，咁間野得4款拉麵<白、赤、黑、限定> 限定會跟季節轉變，目前是櫻花蝦同胡椒兩款，我對櫻花蝦果個有d 興趣，不過由於無拍片都是食原味好d，所以最後要左白天王，加一隻蛋，同加底。好！一上桌碗麵比我個感覺係好油，因為你會見到湯有層油係到，飲啖湯唔係果d 超正果d 好濃嘅味，我覺得有d淡，可能我重口味啦。麵係細條果d ，食落有蛋味。正！而且有得選硬度。叉燒睇落有d肥，但是食落都唔錯。不過我覺得間野都是玩限定，等你去多幾次。如果有機會再去拍，我都會去試限定。
Search